თბილისის საერთაშორისო აეროპორტში გამოცხადებულ ევაკუაციასთან დაკავშირებით, საქართველოს შინაგან საქმეთა სამინისტროში აცხადებენ, რომ პოლიციამ დაიწყო შესაბამისი მოქმედებების განხორციელება.
უწყების ინფორმაციით, იყო თუ არა მიღებული შეტყობინება ცრუ, აღნიშნული ღონისძიებების შედეგად დადგინდება.
ცნობისთვის, რამდენიმე წუთის წინ, თბილისის საერთაშორისო აეროპორტში ევაკუაცია გამოცხადდა. აეროპორტის შიდა ტერიტორიაზე ასაფეთქებელ მოწყობილობას ეძებენ.