მსჯავრდებულ გიორგი ონიანს საპყრობილეში დღეს მისი უფლებადამცველი, მალხაზ ველიჯანაშვილი მოინახულებს. ამის შესახებ, "ჯი-ეიჩ-ენს" ადვოკატმა განუცხადა.
ონიანი მის მიმართ გამოტანილ გამამტყუნებელ განაჩენს სააპელაციო სასამართლოში გააასაჩივრებს. სწორედ ამ თემასთან დაკავშირებით ისაუბრებენ შეხვედრაზე მსჯავრდებული და ადვოკატი.
შეგახსენებთ, რომ „ერთიანი ნაციონალური მოძრაობის“ წევრს, გიორგი ონიანს სასამართლომ 4 წლითა და 6 თვით თავისუფლების აღკვეთა შეუფარდა. გიორგი ონიანს ბრალი რამდენიმე მუხლით ჰქონდა წაყენებული, მათ შორის უკანონო დაკავების, სამსახურებრივი უფლებამოსილების გადამეტებისა და მტკიცებულებათა ფალსიფიკაციის ბრალდებით.
