საქართველოს განათლებისა და მეცნიერების ახალი მინისტრის, მიხეილ ჩხენკელის განცხადებით, სამინისტრო მოქმედების გეგმას ძალიან მალე წარადგენს.
მისივე განცხადებით, უწყებისთვის სპორტისა და ახალგაზრდობის სამინისტროს ახალგაზრდობის კომპონენტის შეერთების შემდეგ, პრიორიტეტული იქნება ჯანსაღი ცხოვრების წესი, რაც ძალიან მნიშვნელოვანია ახალგაზრდებისთვის.
შეგახსენებთ, საქართველოს პრემიერ-მინისტრის, გიორგი კვირიკაშვილის განცხადებით, სპორტისა და ახალგაზრდობის საქმეთა სამინისტრო უქმდება. როგორც კვირიკაშვილმა მთავრობის ადმინისტრაციაში გამართულ ბრიფინგზე განაცხადა, სამინისტრის სპორტის კომპონენტი კულტურის სამინისტროს შეუერთდება, ახალგაზრდობის საქმეთა კომპონენტი კი - განათლებას.