„ძალიან კარგი თანამშრომლობა გვქონდა სახელმწიფო მინისტრის აპარატთან და მის ყველა თანამშრომელთან. აუცილებლად, ძალიან ღია პროცესით განვახორციელებთ შერწყმის პროცესს“, - ამის შესახებ საგარეო საქმეთა მინისტრმა მიხეილ ჯანელიძემ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის საგარეო საქმეთა სამინისტროსთან შეერთების საკითხზე საუბრისას განაცხადა.
ჯანელიძის განმარტებით, ყველა პროფესიონალს ექნება მომავალი ამ მიმართულებით და გაგრძელდება თანამშრომლობა.
„რა თქმა უნდა, არა პრიორიტეტების, არამედ ადმინისტრაციული ხარჯების შემცირების გზით, შევძლებთ მეტ ოპტიმიზაციას და უფრო ეფექტურად, ნაკლები დანახარჯებით, პრიორიტეტების მიღწევას“, - აღნიშნა მინისტრმა.
