თარიღი    დრო

ერთ-ერთმა დაზარალებულმა თავი ჩამოიხრჩო - „ბავშვთა სამყაროს“ ხანძრით დაზარალებულები შოთაძის გადადომას მოითხოვენ

საქართველო, თბილისი - 12:40 11.14.2017 452

„დაზარალებულებმა პროკურატურასთან კარავი გაშალეს, მაგრამ პოლიციამ ძალის გამოყენებით, მათ ეს კარავი წაართვა, ადამიანები ცუდად არიან, სასწრაფო დახმარების ბრიგადაა გამოძახებული“ - განუცხადა „ჯი-ეიჩ-ენს“ „ბავშვთა სამყაროს“ ხანძრის შედეგად დაზრალებულების ადვოკატმა, ფრიდონ სიხუაშვილმა.

როგორც ადვოკატი აცხადებს, დაზარალებულები სწრაფ და სამართლიან გამოძიებას, ასევე მთავარი პროკურორის, ირაკლი შოთაძის გადადომას მოითხოვენ.  ისინი პასუხისმგებლობას მთლიანად, სააქციო საზოგადოება „ბავშვთა სამყაროს“ აკისრებენ.   

„ერთ თვეში, ერთი წელი ხდება, რაც ხანძარი მოხდა. მთელი ამ ხნის განმავლობაში დაზარალებულების არანაირი პრობლემა არ მოგვარებულა. გუშინ, ერთ-ერთმა დაზარალებულმა თავი ჩამოიხრჩო იმის გამო, რომ ბანკის ვალები  ჰქონდა. ბანკის ვალების გამო დაზარალებულები ქუჩაში რჩებიან, პლუს, უმუშევრები არიან. ამ ადამიანებს ყველანაირი იმედი გადაეწურათ, ერთი წლის განმავლობაში გამოძიებას არაფერი გაუკეთებია, რაც გააკეთეს, ისიც მოჩვენებით გააკეთეს.

გამოძიების დროს გამოიკვეთა, რომ ბავშვთა სამყარო განზრახ გადაწვეს, უსაფრთხოების ზომები დაცული არ იყო და რომ ამ ყველაფერზე სააქციო საზოგადეობა „ბავშვთა სამყაროს“ ადმინისტრაცია იყო პასუხისმგებელი. ამის მიუხედავად, არაფერი წინ მიდის“, - განაცხადა ადვოკატმა.

შეგახსენებთ, რომ „ბავშვთა სამყაროს“ ხანძრის შედეგად დაზარალებულების აქცია მთავარ პროკურატურასთან ამ წუთებშიც მიმდინარეობს. 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%