„საქართველოში მოქმედი რეისები ჩვენს მოლოდინებს შეესაბამება. Wizz Air-ის მთლიანი ქსელის დატვირთვის საშუალო მაჩვენებელი ამ ფინანსური წლის პირველ ნახევარში იყო 92,8%, რაც 1,7%-ით აღემატება წინა წლის ანალოგიური პერიოდის მონაცემებს.
Wizz Air-ი ქუთაისის აეროპორტის ერთ-ერთი მთავარი პარტნიორია, რაც მუდმივი ინვესტირებისა და შენობის გაფართოების მცდელობით მიიღწევა. Wizz Air-მა მნიშვნელოვანი წვლილი შეიტანა რეგიონის ეკონომიკაში ქვეყნებს შორის საქმიანი ურთიერთობების, ტურისტული ინდუსტრიისა და ადგილობრივი სამუშაო ბაზრის სტიმულირების ხარჯზე. ამ წლის დასაწყისში, ინდუსტრიის სტანდარტების გათვალისწინებით, Wizz Air-მა ხელი შეუწყო 200 ადგილობრივი სამუშაო ადგილის შექმნას საავიაციო თუ ტურისტულ სექტორებში.
ჩვენ ვთვლით, რომ ევროპარლამენტის უვიზო მიმოსვლა ქვეყნის განვითარების მნიშვნელოვან ეტაპს წარმოადგენს. მას შემდეგ ჩვენ გამოვაცხადეთ 6 ახალი მიმართულების შესახებ, რომლებიც ქუთაისს ევროპის რამდენიმე ყველაზე პოპულარულ მიმართულებასთან აკავშირებს და Wizz Air-ის მომხმარებელთა მზარდ მოთხოვნებს ეხმაურება“, აცხადებენ კომპანიაში.
Wizz Air-ი ცენტრალური და აღმოსავლეთ ევროპის წამყვან დაბალბიუჯეტიან ავიაკომპანიად ULCC ბიზნეს მოდელის პრინციპების შედეგად იქცა, რაც ხელმისაწვდომი მგზავრობის შესაძლებლობების შექმნას და ქსელის მუდმივ გაფართოებას გულისხმობს. დღეს ავიაკომპანია მომხმარებელს სთავზობს ავიარეისებს 550 მიმართულებით 28 ბაზირებული აეროპორტიდან, რითაც ერთმანეთთან აკავშირებს ევროპისა და შუა აღმოსავლეთის 43 ქვეყნის 144 ქალაქს.
Wizz Air-ის წარმატება წარმოუდგენელია Wizz Air-ის გუნდის გარეშე, რომელიც დაახლოებით 3,300 ავიაციის პროფესიონალისაგან შედგება და რომელიც 2017 წელს მომხმარებლებს მაღალკვალიფიციურ მომსახურებას 28 ბაზაზე, 15 ქვეყნის მასშტაბით სთავაზობს. ამასთან, ავიაკომპანიის თანამედროვე და ეფექტური ფლოტი ყველაზე ახალგაზრდაა ევროპაში, რაც Wizz Air-ის ბიზნესის ძირითადი აქტივია და რომელიც საშუალებას აძლევს კომპანიას, გაზარდოს ყოველდღიური სერვისები და, ამავდროულად, ყველაზე დაბალი ტარიფები შეინარჩუნოს.
Wizz Air-ის მუდმივი განვითარება და შესანიშნავი მომსახურება აღიარებული იქნა პრესტიჟული გლობალური ჯილდოებით. Wizz Air-ი დასახელებულია 2016 წლის საუკეთესო დაბალბიუჯეტიან ავიაკომპანიად წამყვანი საავიაციო ჟურნალის Air Transport World-ის რედაქტორების, და ასევე ავიაციის ცენტრის (CAPA)-ს მიერ. Wizz Air-ი დარეგისტრირებულია საერთაშორისო საჰაერო სატრანსპორტი ასოციაციში (IATA), საოპერაციო უსაფრთხოების აუდიტში (IOSA), ავაკომპანიის უსაფრთხოების აღიარების გლობალურ ქსელში.
