თარიღი    დრო

2018 წელს Wizz Air-ი ქუთაისის ბაზას ორ ახალ Airbus A320-ს დაამატებს

საქართველო, თბილისი - 11:45 11.14.2017 176

2018 წლისთვის დაბალბიუჯეტიანი ავიაკომპანია Wizz Air-ი ქუთაისის ბაზას ორ ახალ Airbus A320-ს დაამატებს, რაც ავიაკომპანიას შესაძლებლობას მისცემს 60 %-ით გაზარდოს სამგზავრო ადგილების რაოდენობა. ავიაკომპანიაში აცხადებენ, რომ 2018 წლისთვის ქუთაისის ბაზაში 200 მლნ დოლარის ინვესტიციას განახორციელებენ.

„ქვეყანაში უწყვეტი ინვესტიციების შედეგად, Wizz Air-ი კიდევ ერთხელ უსვამს ხაზს, რომ კომპანია ქართველი მომხმარებლებისთვის მოგზაურობის ახალი შესაძლებლობების დანერგვას ცდილობს. 2018 წელს, Wizz Air-ის ინვესტიცია ქუთაისის ბაზაში 200 მილიონ დოლარს შეადგენს, ორი ახალი ეარბას A320-ის ფლოტითა და ქვეყანაში დასაქმებული 70-ზე მეტი დასაქმებული თანამშრომლების ადგილობრივი გუნდით.

ბოლო 6 წლის განმავლობაში, საქართველოში წამყვანმა დაბალბიუჯეტიანმა ავიაკომპანია Wizz Air-მა 970,000-ზე მეტი ქართველი მგზავრის ნდობისა და ლოიალობის მოპოვება შეძლო.  ეს კი იმის ხარჯზე, რომ კომპანია მუდმივად ახორციელებს ადგილობრივ ინვესტიციებს და მგზავრობის უფრო ხელმისაწვდომ გამოცდილებას სთავაზობს ქუთაისის საერთაშორისო აეროპორტიდან დასასვენებლად თუ ბიზნესშეხვედრებზე მიმავალ მგზავრებს“, -აცხადებენ ავიაკომპანიაში.

Wizz Air-ის განმარტებით, წელს კომპანიამ ქუთაისის ბაზის პირველი იუბილე მნიშვნელოვანი შედეგებით აღნიშნა. წინა წლის ანალოგიურ პერიოდთან შედარებით, გასული 12 თვის განმავლობაში მგზავრთა რაოდენობა თითქმის სამჯერაა გაზრდილი.

„მიმდინარე წლის დასაწყისიდან, 290 000-ზე მეტმა ქართველმა მგზავრმა და მათმა სტუმრებმა Wizz Air-ის დაბალბიუჯეტიანი რეისებით ისარგებლეს,  2018 წლიდან კი კომპანიის მიერ შემოთავაზებული სამგზავრო ადგილების არეალი 60 %-თ გაიზრდება, რაც 11 ქვეყნის მასშტაბით, 17 მიმართულებით, ჯამში 507,000 ადგილის შექმნას გულისხმობს.

მომავალი წლიდან ხელმისაწვდომი იქნება მარშრუტები ქუთაისიდან ვროცლავის, რომის, პრაღისა და ბარსელონას მიმართულებით. პარიზი და ათენი შესანიშნავი არჩევანია როგორც დასვენების მსურველი, ასევე საქმიანი მოგზაურებისთვის, რომლებიც ევროპის ყველაზე პოპულარულ ქალაქებს ესტუმრებიან, რაც, თავისთავად, ხელს შუწყობს ქვეყნებს შორის ტურიზმის, ვაჭრობისა და საქმიანი კავშირების გააქტიურებას. აღნიშნული მიმართულებების ფასების ნახვა შესაძლებელია wizzair.com-ზე ან უფასო მობილური აპლიკაციის მეშვეობით, 24,99 ლარად, რაც მოგზაურობისთვის მინიმალური დანახარჯია (ერთი მიმართულების საფასური, დამატებითი მომსახურების გარეშე). დასასვენებლად თუ საქმიან შეხვედრაზე მიმავალ Wizz Air-ის მგზავრებს საშუალება აქვთ, ისარგებლონ შესანიშნავი მომსახურებითა და ავიარეისებით, რომელთაც კომპანია 144 ქალაქის მიმართულებით, 43 ქვეყნის მასშტაბით ახორციელებს“,- აცხადებენ Wizz Air-ში.

Wizz Air-ი ცენტრალური და აღმოსავლეთ ევროპის წამყვან დაბალბიუჯეტიან ავიაკომპანიად ULCC ბიზნეს მოდელის პრინციპების შედეგად იქცა, რაც ხელმისაწვდომი მგზავრობის შესაძლებლობების შექმნას და ქსელის მუდმივ გაფართოებას გულისხმობს. დღეს ავიაკომპანია მომხმარებელს სთავზობს ავიარეისებს 550 მიმართულებით 28 ბაზირებული აეროპორტიდან, რითაც ერთმანეთთან აკავშირებს ევროპისა და შუა აღმოსავლეთის 43 ქვეყნის 144 ქალქს.

Wizz Air-ის წარმატება წარმოუდგენელია Wizz Air-ის გუნდის გარეშე, რომელიც დაახლოებით 3,300 ავიაციის პროფესიონალისაგან შედგება და  რომელიც 2017 წელს მომხმარებლებს მაღალკვალიფიციურ მომსახურებას 28 ბაზაზე, 15 ქვეყნის მასშტაბით სთავაზობს. ამასთან, ავიაკომპანიის თანამედროვე და ეფექტური ფლოტი ყველაზე ახალგაზრდაა ევროპაში, რაც Wizz Air-ის ბიზნესის ძირითადი აქტივია და რომელიც საშუალებას აძლევს კომპანიას, გაზარდოს ყოველდღიური სერვისები და, ამავდროულად, ყველაზე დაბალი ტარიფები შეინარჩუნოს.  

Wizz Air-ის მუდმივი განვითარება და შესანიშნავი მომსახურება აღიარებული იქნა პრესტიჟული გლობალური ჯილდოებით. Wizz Air-ი დასახელებულია 2016 წლის საუკეთესო დაბალბიუჯეტიან ავიაკომპანიად წამყვანი საავიაციო ჟურნალის Air Transport World-ის რედაქტორების, და ასევე ავიაციის ცენტრის (CAPA)-ს მიერ.  Wizz Air-ი დარეგისტრირებულია საერთაშორისო საჰაერო სატრანსპორტი ასოციაციში (IATA), საოპერაციო უსაფრთხოების აუდიტში (IOSA), ავაკომპანიის უსაფრთხოების აღიარების გლობალურ ქსელში.




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%