როგორც მან საზოგადოებას აუხსნა, მიზანი არის ერთი, რომ დაიზოგოს უფრო მეტი სახსრები, თუ რა ციფრებში აისახება ეს, რაც უფრო დიდი იქნება ციფრი, რა თქმა უნდა, ვიტყვით, რომ ეს მიზანი კარგად შესრულდა და მივაღწიეთ, - ამის შესახებ საქართველოს იუსტიციის მინისტრმა თეა წულუკიანმა საზოგადოებრივი მაუწყებლის გადაცემაში „აქტუალური თემა მაკა ცინცაძესთან ერთად“ განაცხადა.
მისი თქმით, არც ერთი პასუხისმგებლიანი პოლიტიკოსი არ აანონსებს ასეთ ცვლილებებს, თუ რა თქმა უნდა, არ არის დათვლილი, რა შეიძლება მოიტანოს ამან.
„დღეს ჩვენ მოვისმინეთ ძალიან ბევრი არგუმენტი, თითქოს დაანონსდა ცვლილება ისე, რომ არაფერი გათვლილი და დათვლილი არ არის. რა თქმა უნდა, არც ერთი პასუხისმგებლიანი პოლიტიკოსი არ აანონსებს ასეთ ცვლილებებს, თუ რა თქმა უნდა, არ არის დათვლილი, რა შეიძლება მოიტანოს ამან. თუმცა, სანამ ახალი მინისტრები, სადაც არის სიახლე და განსაკუთრებით ის მინისტრები, ვინც თანამდებობაზე რჩება, მაგრამ მას უერთდება ახალი უფლებამოსილებები, თავად არ ჩავლენ დეტალებამდე, მანამდე ალბათ რაიმე ციფრების გაცხადება იქნება არასწორი იმიტომ, რომ შეიძლება, შემდეგ გვქონდეს მცირედი, მაგრამ მაინც ცდომილებები. მთავარი ეს არ არის, მთავარი ის არის, რას ისახავს პრემიერის ეს გადაწყვეტილება მიზნად. როგორც მან საზოგადოებას აუხსნა, მიზანი არის ერთი, რომ დაიზოგოს უფრო მეტი სახსრები, თუ რა ციფრებში აისახება ეს, რაც უფრო დიდი იქნება ციფრი, რა თქმა უნდა, ვიტყვით, რომ ეს მიზანი კარგად შესრულდა და მივაღწიეთ. ამისკენ უნდა ისწრაფოდეს ყველა. მათ შორის ჩვენი სამინისტრო, რომელსაც ცვლილებები არ შეეხო, მაგრამ შარშან ჩვენ შევამცირეთ ბიუროკრატიული აპარატი და ვიყავით ორიენტირებული იმაზე, რომ ბიუროკრატიაზე, რაც არ არის კნინობითი სახელი, ყველა სახელმწიფოს სჭირდება ბიუროკრატია, რათა სუვერენულ სახელმწიფოდ შედგეს, მაგრამ აქ საუბარია იმაზე, რომ ბიუროკრატია უნდა ჰქონდეს სახელმწიფოს იმდენი, რამდენიც სჭირდება ეფექტურად მართვისთვის“, – აღნიშნა თეა წულუკიანმა.
