თარიღი    დრო

გიორგი ოქროპირიძე სასამართლომ ცრუ დასმენის ნაწილში უდანაშაულოდ ცნო

საქართველო, თბილისი - 19:08 11.10.2017 344

თბილისის საქალაქო სასამართლომ ლაშა მახარაძის მკვლელობის საქმეზე მსჯავრდებული გიორგი ოქროპირიძე ცრუ დასმენისა და ასევე, ცრუ ჩვენების მიცემის ნაწილში გაამართლა. ამის შესახებ „ჯი-ეიჩ-ენს“ ოქროპირიძის ადვოკატმა, თამარ ავალიანმა განუცხადა.

დღევანდელ სასამართლო პროცესზე მოსამართლე ხათუნა ხარჩილავამ განაცხადა, რომ ბრალდების მხარემ გონივრულ ეჭვს მიღმა სტანდარტით ვერ დაადასტურა გიორგი ოქროპირიძის მიერ ამ დანაშაულის ჩადენა, რაც გამამართლებელი განაჩენის მიღების საფუძველი გახდა.

ცრუ დასმენის საქმე ეხება ბათუმის ციხეში ყოფნის პერიოდში, სახალხო დამცველისთვის 2014 წლის 22 სექტემბერს მიცემულ ახსნა-განმარტებას. ამ ახსნა-განმარტების გამო, გიორგი ოქროპირიძეს ბრალი თითქმის 9 თვის შემდეგ, 2015 წლის ივნისში წაუყენეს. ახსნა-განმარტებაში, რომელიც პროკურატურამ “ცრუ დასმენად” შერაცხა, ოქროპირიძე აღწერდა, თუ როგორ აწამებდნენ. სასამართლომ ცრუ დასმენის საქმის განხილვა 2 წელზე მეტი დროის გასვლის შემდეგ დაასრულა.

პროკურატურის მიერ ცრუ დასმენის შესახებ ბრალის წაყენებას წინ უძღოდა ის ფაქტი, რომ 2015 წლის 5 ივნისს ლაშა მახარაძის მკვლელობის საქმეზე გიორგი ოქროპირიძეს ნაფიცმა მსაჯულებმა განაჩენი ვერ გამოუტანეს. რამდენიმე დღეში ოქროპირიძეს წინასწარი პატიმრობის 9-თვიანი ვადა ეწურებოდა და, შესაბამისად, მას საპატიმრო უნდა დაეტოვებინა. თუმცა 2 დღის შემდეგ, 8 ივნისს, მას პროკურატურამ ცრუ დასმენის შესახებ ბრალი წარუდგინა, სასამართლომ კი კვლავ შეუფარდა აღვეთის ღონისძიების სახით პატიმრობა.

ნაფიცი მსაჯულების ახალმა შემადგენლობამ ოქროპირიძე დამნაშავედ ცნო ლაშა მახარაძის მკვლელობაში და სასამართლომ მას 20 წლით თავისუფლების აღკვეთა მიუსაჯა. ოქროპირიძე ამჟამად სასჯელს რუსთავის მე-6 დაწესებულებაში იხდის.

 

 

 

 

 




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%