ბათუმში, ე.წ. ოცნების ქალაქში, სადაც თვითნებურად შეჭრილი მოსახლეობა ცხოვრობს, ბოლქვაძეების ფიცრულს ცეცხლი გაუჩნდა. შემთხვევის შედეგად არავინ დაშავებულა.
საზოგადოებრივი მაუწყებლის ინფორმაციით, ნაგებობა მთლიანად დაიწვა, განადგურდა საოჯახო ტექნიკა და ავეჯი.
ბოლქვაძეების შვიდსულიანი ოჯახი „ოცნების ქალაქში“ რამდენიმე წელია ცხოვრობს.
ხანძარი, ამ დროისთვის, ლიკვიდირებულია.
შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 187-ე მუხლის მეორე ნაწილით დაიწყო, რაც გულისხმობს ნივთის დაზიანებას ან განადგურებას, ჩადენილს ცეცხლის წაკიდებით, აფეთქებით ან სხვა საყოველთაოდ საშიში საშუალებით.