ჩაქვში ავტოსაგზაო შემთხვევა მოხდა.
"აჭარის ტელევიზიის" ინფორმაციით, ერთმანეთს მსუბუქი ავტომანქანები შეეჯახნენ. დარტყმის შედეგად, ერთი ავტომანქანა მდინარე აჭყვაში გადავარდა.
შემთხვევის ადგილზე მობილიზებულია სამაშველო და სასწრაფო ბრიგადები. მაშველებმა მანქანა წყლიდან უკვე ამოიყვანეს და გზა გახსნილია.
შინაგან საქმეთა სამინისტროს ცნობით, ავარიის შედეგად ერთი ადამიანია დაშავებული. მათივე ინფორმაციით, საქმე 276-ე მუხლით აღიძრა.