24-25 ოქტომბერს, საგარეო საქმეთა მინისტრის პირველი მოადგილე, დავით ზალკალიანი მონაწილეობას მიიღებს ქ. პალერმოში, იტალიის რესპუბლიკის საგარეო საქმეთა მინისტრის, როგორც 2018 წელს ეუთო-ს შემდგომი თავმჯდომარის ორგანიზებით დაგეგმილ მაღალი დონის კონფერენციაში. ღონისძიება ხმელთაშუაზღვისპირეთში მიგრანტებისა და ლტოლვილთა ფართო გადაადგილების საკითხს მიეძღვნება და მასზე განხილული იქნება მიგრაციის კუთხით არსებული გამოწვევები და შესაძლებლობები.
კონფერენციის ფარგლებში დაგეგმილია დავით ზალკალიანის სიტყვით გამოსვლა მაღალი დონის სამუშაო სესიაზე, ასევე ორმხრივი შეხვედრები როგორც ეუთო-ს, ისე მონაწილე ქვეყნების წარმომადგენლებთან.