უკრაინის უშიშროების სამსახურმა მიხეილ სააკაშვილის თანაგუნდელი კობა ნაყოფია პერსონა ნონ გრატად გამოაცხადა.
ქვეყნის ტერიტორიაზე შესვლა მას 3 წლით აუკრძალეს.
ქართველ დეპუტატს გადაწყვეტილების შესახებ ბორისპოლის აეროპორტში აცნობეს და ქვეყნის დატოვება მოსთხოვეს.
უკრაინის უშიშროების სამსახურის განცხადებაში ნათქვამია, რომ გადაწყვეტილება ქვეყნის უსაფრთხოებისა და საზოგადოებრივი წესრიგის დაცვის მიზნით იქნა მიღებული.
