იტალიის ორ რეგიონში- ლომბარდიასა და ვენეტოში- მოსახლეობის 98-მა პროცენტმა მხარი ავტონომიის გაფართოვებას დაუჭირა. სააგენტო „სტამპას“ ცნობით, რეფერენდუმში მონაწილეობა მოსახლეობის 60- მა პროცენტმა მიიღო. რეფერენდუმი საკონსტიტუციო სასამართლოს ნებართვით ჩატარდა, თუმცა მას იურიდიული ძალა არ აქვს. რეგიონების ლიდერები უსაფრთხოების, მიგრაციის, განათლებისა და გარემოს დაცვის სფეროებში ადგილობრივი ხელისუფლებისთვის უფლებამოსილების გაზრდას ითხოვენ.