ევროპულმა საქართველომ ადმგილობრივი თვითმმართველობის არჩევნების შედეგები შეაფასა.
,,არჩევნების პოლიტიკური შეფასება ჩვენი მხრიდან რა თქმა უნდა არის ნეგატიური, მძიმე და სამწუხაროდ, ეს არჩევნები ვერ გახდება წინგადადგმული ნაბიჯი ქართული დემოკრატიის განვითარებისთვის. რაც ვიხილეთ გუშინ განვლილი დღის და საარჩევნო პროცესის განმავლობაში მიგვაჩნია, რომ არის ძალიან მძიმე და ცუდი ნაბიჯი ქართული დემოკრატიისთვის. რომ არ ყოფილიყო ფართომასშტაბიანი გამოყენება ადმინისტრაციული რესურსის, რომ არ ყოფილიყო ზეწოლები, ამომრჩევლის მოსყიდვა და თანხის დარიგება, შედეგი, რომელიც ვიხილეთ გუშინ ასეთი ფორმით და ასეთი რიცხვებით ნამდვილად არ დადგებოდა. რაც უფრო მეტი ადამიანი მოვა მომავალ არჩევნებზე მით უფრო გაუძნელდება ხელისუფლებას არჩევნების გაყალბება. გამოსავალი არის ერთი - ყველა ოპოზიციურმა პარტიამ გააგრძელოს გაათმაგებული მუშაობა, ხალხთან მუშაობა, მეტი ვიაროთ, მეტი ვიმუშაოთ და მეტი ადამინი გამოვიყვანოთ მომავალ არჩევნებზე. რა თქმა უნდა ჩვენ არ ვართ კმაყოფილი ამ არჩევნებით, მიუხედავად იმისა, რომ ეს არის პირველი არჩევნების ევროპული საქართველოსთვის და ეს არის არჩევნები, სადაც ათასობით ადამიანმა პირველად შემოხაზა ორიანი,’’ - განაცხადა დავით ბაქრაძემ.