კიევში, საქართველოს ყოფილი პრეზიდენტის, ოდესის ოლქის ყოფილი გუბერნატორის, პარტია „ახალი ძალების“ ლიდერის მიხეილ სააკაშვილის მიერ დაანონსებული მიტინგის მონაწილეები იკრიბებიან.
ადგილობრივი მედიის ცნობით, მიტინგში მონაწილეობას მიიღებენ დეპუტატები იური დერევიანკო, ეგორ სობოლევი, სემენ სემენჩენკო და „ახალი ძალების“ წარმომადგენლები, მათ შორის დავით საყვარელიძე. ამ დროისთვის პარლამენტთან რამდენიმე ასეული ადამიანია შეკრებილი, მათ გარდა აქციას „კარვების ქალაქის“ მცხოვრებლებიც შეუერთდნენ.