პოლონეთში მომხდარ თავდასხმას ერთი ადამიანი ემსხვერპლა, 8 კი დაიჭრა. დანით შეიარაღებული მამაკაცი სავაჭრო ცენტრ „სტალევა-ვოლეში“ შეიჭრა და შენობაში მყოფ რამდენიმე ადამიანს მძიმე ჭრილობები მიაყენა. დამნაშავე დაკავებულია. ის 27 წლის ადგილობრივი მცხოვრებია. დანაშაულის მოტივი ჯერჯერობით უცნობია. საქმის გამოძიება ქვეყნის პრემიერ-მინისტრმა ბიეტა შიდლომ პირად კონტროლზე აიყვანა.
