თარიღი    დრო

ბათუმის შოთა რუსთაველის სახელმწიფო უნივერსიტეტმა ახალი სტუდენტთა საერთო საცხოვრებლის მშენებლობა დაიწყო

საქართველო, თბილისი - 15:00 10.19.2017 150

ბათუმის შოთა რუსთაველის სახელმწიფო უნივერსიტეტმა ახალი სტუდენტთა საერთო საცხოვრებლის მშენებლობა დაიწყო. აჭარის ა.რ. მთავრობის თავმჯდომარემ ზურაბ პატარაძემ, აჭარის ფინანსთა და ეკონომიკის მინისტრმა რამაზ ბოლქვაძემ,ბათუმის შოთა რუსთაველის სახელმწიფო უნივერსიტეტის რექტორმა მერაბ ხალვაშმა, აჭარის ა.რ. განათლების, კულტურისა და სპორტის მინისტრმა ინგა შამილიშვილმა, აჭარის ა.რ. უმაღლესი საბჭოს თავმჯდომარემ დავით გაბაიძემ, ქალაქ ბათუმის მერმა გიორგი ერმაკოვმა მშენებლობის სერტიფიკატს მოაწერეს ხელი და საძირკველს ჩაუყარეს საფუძველი.

ბათუმის შოთა რუსთაველის სახელმწიფო უნივერსიტეტი შემდეგ სასწავლო წელს ახალი , თანამედროვე სტანდარტების სტუდენტთა საერთო საცხოვრებლით შეხვდება.

200 მობინადრეზე გათვლილი სტუდენტთა საცხოვრებლის მშენებლობა ბათუმში, ლეონიძის ქ. N15-ში დაიწყო და 2018 წლის ზაფხულში დასრულდება. მშენებლობისათვის უნივერსიტეტის ბიუჯეტიდან 2 მილიონ 359 ათასი ლარია გამოყოფილი. პროექტით, სტუდენტთა ახალი საერთო საცხოვრებელი სრულიად შეესაბამება თანამედროვე სტანდარტების მოთხოვნებს. შენობის მიწისზედა სამ სართულზე განთავსდება როგორც საქმიანი ნაწილი – დაცვის ოთახი, ადმინისტრაცია, სამრეცხაო-საშრობი, საკონფერენციო დარბაზი, ასევე საცხოვრებლის ბლოკები: ძირითადი, 5 სტუდენტზე გათვლილი ბლოკური პრინციპით, რომელიც აღჭურვილი იქნება სველი წერტილებითა და სამზარეულოთი. აგრეთვე, პროექტში გათვალისწინებულია შშმ პირებისთვის ადაპტირებული 3 ბლოკი – თითო თითოეულ სართულზე. შენობაში განთავსდება ლიფტი შშმ პირებისთვის.

მწვანე კონცხზე მდებარე სტუდენტთა ყოფილი საერთო საცხოვრებელი მე-20 საუკუნის 70-იან წლებში აშენდა. ამორტიზირებული შენობა, საერთო სარგებლობის სანიტარული კვანძებით და კვების ბლოკებით არ შეესაბამებოდა თანამედროვე სტანდარტების მოთხოვნებს. აგრეთვე, წყალმომარაგებისა და გაზმომარაგების არაცენტრალიზირებული სისტემა, ქალაქთან მოშორებული მდებარეობა და საქალაქო ტრანსპორტის არარსებობა ართულებდა სტუდენტთა ყოველდღიურ ცხოვრებასა და გადაადგილებას, რამაც განაპირობა ახალი საცხოვრებლის მშენებლობის დაწყება.

2018 წლის გაზაფხულზე სტუდენტთა საერთო საცხოვრებლის მიმდებარე ტერიტორიაზე საუნივერსიტეტო სპორტული კომპლექსისა და სასწავლო კორპუსის მშენებლობაც დაიწყება.

 



konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

13:39 გრანდიოზული საახალწლო საჩუქარი ზედაზენისგან - RC COLA - ს და RC Q უპრეცედენტო გათამაშება დაიწყო

17:31 ონლიაინ საკრედიტო სტარტაპი ID Finance-ი მომავალ წელს 100 მლნ დოლარის მოკრებას გეგმავს

16:28 “ელიტ ელექტრონიქსი“ მომხმარებელს უპრეცედენტო ფასდაკლების აქციას სთავაზობს

12:12 ხაშურში მომხდარ ავარიას ერთი ადამიანის სიცოცხლე ემსხვერპლა

10:23 „ელიტ ელექტრონიქსისში“ კონდიციონერებზე ფასდაკლება დაიწყო

16:32 კონსტიტუციიდან 94-ე მუხლის ამოღებას მხარს ვუჭერთ - სავალუტო ფონდის წარმომადგენელი

12:40 94-ე მუხლი არც ნორმალურია და არც მისაღები - ბიზნესმენი დევიდ ლი

14:35 ელიტ ელექტრონიქსი მაღაზიათა ქსელს აფართოებს



arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%