საქართველოს საგარეო საქმეთა მინისტრ, მიხეილ ჯანელიძის განცხადებით, აფგან მუხთარლის საქმესთან დაკავშირებით გამოძიება მიმდინარეობს და გამოძიების დასრულებამდე საქართველოს მთავრობამ უკვე გაატარა შესაბამისი ზომები.
როგორც მინისტრმა ბრიუსელში, ევროპარლამენტის საგარეო ურთიერთობათა კომიტეტის სხდომის შემდეგ აღნიშნა, გამოძიების გარკვეულ შედეგებამდე, სხვადასხვა მიმართულებაზე პასუხისმგებელი პირები გათავისუფლებული იქნებიან თანამდებობიდან.
"ბატონ მუხთარლის საქმესთან დაკავშირებით გამოძიება მიმდინარეობს და გამოძიების დასრულებამდე ქვეყნის მთავრობამ გადადგა შესაბამისი ზომები. სანამ გამოძიების გარკვეული შედეგი დადგება, შესაბამისი ადამიანები, სხვადასხვა მიმართულებაზე პასუხისმგებელი პირები გათავისუფლებულები იქნებიან",-აღნიშნა მიხეილ ჯანელიძემ.