უკრაინის რადასთან მომიტინგეებმა 60 კარავი გაშალეს. სააგენტო "ცენზორის" ცნობით, მთელი ღამის განმავლობაში საკანონმდებლო ორგანოსთან ათასამდე ადამიანი იმყოფებოდა. ვითარებას ადგილზე 2 ათასი პოლიციელი აკონტროლებდა. დემონსტრანტები საარჩევნო კანონში ცვლილებების შეტანასა და ანტიკორუფციული სასამართლოს შექმნას ითხოვენ. პარალელურად, განცხადებას ავრცელებს უკრაინის ეროვნული პოლიციის ხელმძღვანელის მოადგილე. ვიაჩესლავ აბროსკინის ცნობით, სამართალდამცველებმა კიევში იარაღის სამალავი აღმოაჩინეს. შინაგან საქმეთა სამინისტროში არ გამორიცხავენ, რომ საბრძოლო მასალები მიტინგის დროს გამოეყენებინათ.