ტერორისტული დაჯგუფება „ისლამური სახელმწიფო“ 2018 წლის მსოფლიო ჩემპიონატის ფინალზე თავდასხმით იმუქრება. ინფორმაციას გამოცემა „დეილიმეილი“ ავრცელებს. პროპაგანდისტულ სურათზე, რომელიც დაჯგუფებამ გაავრცელა, სტადიონის წინ შეიარაღებული თვითმკვლელი და ასაფეთქებელი მოწყობილობაა გამოსახული. საფეხბურთო ჩემპიონატი მომავალ წელს რუსეთში უნდა გაიმართოს. მატჩებს ქვეყნის 11 ქალაქი უმასპინძლებს, საფინალო შეხვედრა კი მოსკოვში „ლუჟნიკის“ სტადიონზე გაიმართება.