ოდესის ყოფილმა გუბერნატორმა მიხეილ სააკაშვილმა უმაღლეს რადასთან შეკრებილ დემონსტრანტებს სიტყვით კიდევ ერთხელ მიმართა. დემონსტრანტებს მათ მოედანზე დარჩენისკენ მოუწოდა.
„ჩვენ უნდა დავრჩეთ აქ მანამდე, სანამ ბოლომდე არ შეასრულებენ ჩვენს მოთხოვნებს. მეც თქვენთან ერთად დავრჩები, რადგანაც დასაკარგი არაფერი მაქვს. ისინი შესაძლოა გარკვეულ დათმობებზე წავიდნენ, მაგრამ თავი არ უნდა დავანებოთ მანამ, სანამ ბოლომდე არ შევასრულებინებთ მოთხოვნებს. ეს ბრძოლა ჩვენი გამარჯვებით დასრულდება,“-აღნიშნა სააკაშვილმა.