ბათუმში განვითარებულმა უამინდობამ და ძლიერმა შტორმმა ბულვარში სანაპირო ზოლის რამდენიმე მონაკვეთი ქვიშითა და ქვაღორღით დაფარა. ძლიერი ღელვის შედეგად სასეირნო ბილიკზე ამოყრილია ქვიშა და ნატანი.
"ბათუმის ბულვარის" ინფორმაციით, მთელი ღამის განმავლობაში ადგილზე მობილიზებული იყო რამდენიმე ერთეული სპეციალური ტექნიკა და სამაშველო ბრიგადები.
დილიდან „აკვაპარკი“-ს მიმდებარე ტერიტორიაზე დაწყებულია შტორმის შედეგების სალიკვიდაციო სამუშაოები. ადგილზე მობილიზებულია ტექნიკა, რომელიც ტერიტორიიდან ნატანის გატანას ახორციელებს. შპს „სანდასუფთავების“ თანამშრომლები ბულვარსა და სანაპირო ზოლს ასუფთავებენ. რაც შეეხება ბულვარის ინფრასტრუქტურას მნიშვნელოვანი ზიანი არ არის. სსიპ “ ბათუმის ბულვარის“ მობილური ჯგუფები რეგულარულად ახორციელებენ ზღვისპირა პერიმეტრის მონიტორინგს.