თარიღი    დრო

ეკა ბესელია საქართველოში ევროსაბჭოს ოფისის ხელმძღვანელს, კრისტიან ურსეს შეხვდა

საქართველო, თბილისი - 20:33 10.16.2017 180

პარლამენტის იურიდიულ საკითხთა კომიტეტის თავმჯდომარე ეკა ბესელია საქართველოში ევროსაბჭოს ოფისის ხელმძღვანელს, კრისტიან ურსეს შეხვდა.

შეხვედრის ერთ-ერთი ძირითადი საკითხი სასამართლო რეფორმის ახალი ეტაპი და მისი ძირითადი მიმართულებები იყო. აღინიშნა, რომ ამ პროცესში მნიშვნელოვანია ევროპის საბჭოს წევრ ქვეყნებში არსებული წარმატებული მოდელების გაცნობა. საქართველოში ევროსაბჭოს ოფისის ხელმძღვანელის განცხადებით, ახალ ფორმატში მათი ჩართულობა მაქსიმალური იქნება.

განხილული იყო ევროსასამართლოს გადაწყვეტილებათა აღსრულების საკითხებთან დაკავშირებით მომავალ წელს, საქართველოში საერთაშორისო კონფერენციის გამართვის შესაძლებლობის საკითხი. საუბარი შეეხო, ასევე წინასაარჩევნო პერიოდსაც.

როგორც შეხვედრის დასრულების შემდეგ ეკა ბესელიამ განაცხადა, იურიდიულ საკითხთა კომიტეტს ევროპის საბჭოს საქართველოს ოფისთან და მის ხელმძღვანელთან, კრისტიან ურსესთან ძალიან კარგი თანამშრომლობა აკავშირებს, რომლის ფარგლებშიც ხდება ინფორმაციის გაცვლა მიმდინარე რეფორმებთან დაკავშირებით.

„ჩვენი შეხვედრის ერთ-ერთი ძირითადი საკითხი ეხებოდა დაგეგმილი სასამართლო რეფორმის ახალ ეტაპს და კონკრეტულ საკითხებს. ევროპის საბჭო ჩართულია ამ პროცესში და ჰყავს წარმომადგენელი, რომელიც უშუალოდ მონაწილეობს ამ ახალ ფორმატში. მათი მხრიდან წარმოდგენილი ექსპერტი, სამუშაო ჯგუფთან ერთად, იმუშავებს ოთხ ძირითად თემაზე: საქმეთა ნაკადის მართვა, დისციპლინური პასუხისმგებლობის საფუძველი, იუსტიციის უმაღლესი სკოლის რეფორმა და იუსტიციის უმაღლესი საბჭოს მარეგულირებელი ნორმები.

ვფიქრობთ, რომ მომავალ წელს დავგეგმოთ საერთაშორისო კონფერენცია, რომელიც ევროსასამართლოს გადაწყვეტილებათა აღსრულების საკითხებს შეეხება და მოვიწვიოთ კომიტეტის ის წევრები, რომლებიც უშუალოდ არიან ევროსასამართლოს გადაწყვეტილებათა აღსრულების ზედამხედველობის კომიტეტში ჩართულები. საქართველოს ამ მხრივ კარგი მაგალითი და კარგი სამართლებრივი მექანიზმი აქვს.

მთლიანობაში ეს იყო ძალიან საქმიანი და კარგი შეხვედრა მიმდინარე პროცესების ანალიზის და მომავლის გეგმებთან დაკავშირებით",-აღნიშნა იურიდიულ საკითხთა კომიტეტის თავმჯდომარემ, ეკა ბესელიამ.




konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

13:39 გრანდიოზული საახალწლო საჩუქარი ზედაზენისგან - RC COLA - ს და RC Q უპრეცედენტო გათამაშება დაიწყო

17:31 ონლიაინ საკრედიტო სტარტაპი ID Finance-ი მომავალ წელს 100 მლნ დოლარის მოკრებას გეგმავს

16:28 “ელიტ ელექტრონიქსი“ მომხმარებელს უპრეცედენტო ფასდაკლების აქციას სთავაზობს

12:12 ხაშურში მომხდარ ავარიას ერთი ადამიანის სიცოცხლე ემსხვერპლა

10:23 „ელიტ ელექტრონიქსისში“ კონდიციონერებზე ფასდაკლება დაიწყო

16:32 კონსტიტუციიდან 94-ე მუხლის ამოღებას მხარს ვუჭერთ - სავალუტო ფონდის წარმომადგენელი

12:40 94-ე მუხლი არც ნორმალურია და არც მისაღები - ბიზნესმენი დევიდ ლი

14:35 ელიტ ელექტრონიქსი მაღაზიათა ქსელს აფართოებს



arqivi


ბოლო სამი წლის განმავლობაში თქვენი პირადი შემოსავლები
გაიზარდა 83.7%
შემცირდა 13.3%
არ შეცვლილა 3%