თარიღი    დრო

ზურაბ პატარაძე სტიქიურ კერებს ადგილზე გაეცნო

საქართველო, თბილისი - 18:43 10.16.2017 1581

აჭარაში უკვე მეორე დღეა გადაუღებლად წვიმს. უხვმა ნალექმა აჭარის ხუთივე მუნიციპალიტეტში მეწყრული პროცესები გაააქტიურა. მეწყრულ კერებთან ერთად, ადგილი ჰქონდა მდინარეების კალაპოტიდან გადმოსვლას, რამაც ცალკეულ ადგილებში გამოიწვია ინფრასტრუქტურის დაზიანებაც.

მთელი დღის განმავლობაში მობილიზებული იყო საგანგებო შტაბი აჭარის მთავრობის თავმჯდომარის ზურაბ პატარაძის ხელმძღვანელობით და ხდებოდა მდგომარეობის ადგილზე შესწავლა და შესაბამისი რეაგირება. გაწმენდით სამუშაოებს პრობლემურ კერებთან აჭარის არ საავტომობილო გზებისა და სამელიორაციო სისტემების მართვის დეპარტამენტი, მუნიციპალიტეტების შესაბამისი სამსახურები და სამაშველო ბრიგადები ახორციელებენ. უხვმა ნალექმა პრობლემები ელექტროენერგიის მიწოდების კუთხითაც შექმნა.

ამ დროისათვის ელექტროენერგია არ მიეწოდება ქედის და ქობულეთის რამოდენიმე სოფელს. დილიდან მობილიზებულია „ენერგო-პროს" ბრიგადები და აღდგენითი სამუშაოები უწყვეტ რეჟიმში მიმდინარეობს.

„საკმაოდ უხვი ნალექი მოვიდა მთაში. ხულოში მოვისმინეთ ყველა სამსახურის ანგარიში, თუ რომელ სოფელში რა მდგომარეობაა და როგორ მიმდინარეობს სამუშაოები. ყველა სამსახური, მობილიზებულია, მუშაობს აჭარის საგზაო დეპარტამენტის მძიმე ტექნიკა და ცოცხალი ძალა. განსაკუთრებით ვადევნებთ თვალყურს ზვავსაშიშ ზონებს. თუ მუნიციპალური სამსახურები ვერ გაწვდება და დასჭირდებათ ცენტრალური ხელისუფლების დახმარება, მზად ვართ მივიღოთ შესაბამისი ზომები"- აღნიშნა ზურაბ პატარაძემ, რომელიც ხულოსა და შუახევის პრობლემური ადგილების დათვალიერების შემდეგ, დაბა ქედის მდგომარეობას გაეცნო.

დაბა ქედაში ადიდებული მდინარე აკავრეთა კალაპოტიდან გადმოვიდა და დაბაში მდებარე სკვერი დატბორა. დაზიანდა სკვერში არსებული ინფრასტრუქტურა. ხელვაჩაურის მუნიციპალიტეტში 10 მეწყრული კერა დაფიქსირდა. ზედა ჯოჭოში საავტომობილო გზაზე ჩამოწვა მიწის მასა, რის გამოც 7 ოჯახი მოწყვეტილია გარე სამყაროს. გეოლოგების რეკომენდაციით ზედა ჯოჭოში გაწმენდითი სამუშაოები განახლდება, როგორც კი გამოიდარებს.

საგანგებო რეჟიმში განაგრძობენ მუშაობას საქართველოს საგზაო დეპარტამენტის და აჭარის საგზაო დეპარტამენტის მობილური ჯგუფები, მობილიზებულია სამაშველო ბრიგადები. ამ წუთებში საგანგებო შტაბი აჭარის მთავრობის თავმჯდომარის ხელმძღვანელობით ქედის გამგეობაში შეიკრიბა მომავალი ღონისძიებების გატარების დასაგეგმად.




konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

11:00 Bavaria-ს ლუდის ფესტივალი აფხაზეთის მთებიდან იწყება

09:30 ელა ფიცჯერალდის გარდაცვალებიდან 22 წელი გავიდა

20:22 Yanair-მა ჟიტომირი-ბათუმის მიმართულებაზე ავიაბილეთების გაყიდვა დაიწყო

10:16 იარე უფასოდ ტერაბანკის ველოსიპედით - ტერაბანკი საზაფხულო კამპანია ტერა ბაიკს იწყებს

16:48 Myway Airlines-ი ახალი მიმართულებების ათვისებას იწყებს, რაც ადგილობრივ ბაზარზე კონკურენციას ზრდის

16:32 15 ივნისამდე, ვითიბი ბანკი, თავის მომხმარებელს საკრედიტო ისტორიის გაუმჯობესებას სთავაზობს

12:42 თიბისი ბანკს ოპერაციების მართვის ახალი დირექტორი ჰყავს

12:40 CbondS -მა გალტ & თაგარტი საქართველოში 2018 წლის საუკეთესო საინვესტიციო ბანკად დაასახელა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.1%
შემცირდა 11.2%
არ შეცვლილა 2.7%