ნატოს გენერალური მდივანი მიიჩნევს, რომ ჩრდილოეთ კორეის კრიზისის ძალისმიერი გზით გადაჭრა დაუშვებელია. ამის შესახებ მან „ფრანს პრესისთვის“ მიცემულ ინტერვიუში განაცხადა.
„ძალის გამოყენება გამანადგურებელ შედეგებს მოიტანს. ჩვენ კრიზისის მოგვარებას მოლაპარაკების გზით უნდა ვეცადოთ. რა თქმა უნდა, შეერთებულ შტატებს უფლება აქვს, თავისი თავი და მოკავშირეები დაიცვას, თუმცა დარწმუნებული ვარ, კრიზისის ძალისმიერი გზით მოგვარება არავის სურს,“-აღნიშნა იენს სტოლტენბერგმა.