თარიღი    დრო

უმრავლესობამ დემოკრატიის საპირისპიროდ კიდევ ერთხელ მოახდინა საკონსტიტუციო უმრავლესობის ძალის დემონსტრირება - აბაშიშვილი

საქართველო, თბილისი - 17:51 10.13.2017 478

პარლამენტმა პრეზიდენტის ვეტო არ გაიზიარა და მხარი არ დაუჭირა საქართველოს პრეზიდენტის მოტივირებულ შენიშვნებს საქართველოს კონსტიტუციაში ცვლილებების პროექტთან დაკავშირებით.

პრეზიდენტის 6 პუნქტიანი მოტივირებული შენიშვნები პარლამენტის რიგგარეშე სხდომაზე დღეს პრეზიდენტის საპარლამენტო მდივანმა ანა დოლიძემ წარადგინა, რის შემდეგაც დეპუტატების შეკითხვებს უპასუხა.

საკონსტიტუციო ცვლილებების პროექტის შესახებ პრეზიდენტის მოტივირებული ცვლილებების განხილვას ესწრებოდნენ საქართველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი დავით რაქვიაშვილი, პოლიტიკური მდივანი ფიქრია ჩიხრაძე, პრეზიდენტის მრჩეველი ადამიანის უფლებებისა და მართლმსაჯულების საკითხებში კახა კოჟორიძე.

საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, ძალიან სამწუხაროა, რომ პრეზიდენტის ათთვიანი მცდელობა, საქართველოს კონსტიტუცია კონსენსუსით მიღებულიყო, ჩავარდა.

"ძალიან სამწუხაროა ის ფაქტი, რომ დღეს ჩვენ მივიღეთ კიდევ ერთხელ ერთპარტიული კონსტიტუცია. ძალიან სამწუხაროა, რომ ხელისუფლებამ დაყო პოლიტიკური სპექტრი და საზოგადოება ჩვენიანებად და სხვისიანებად, თქვა, რომ ჩვენ ვართ მართლები და სხვა დანარჩენი მტყუანია, დემოკრატიის საპირისპიროდ კიდევ ერთხელ მოახდინა საკონსტიტუციო უმრავლესობის ძალის დემონსტრირება", - განაცხადა გიორგი აბაშიშვილმა სხდომის დასრულების შემდეგ.

მისი თქმით, ხელისუფლებამ ვერ გაიაზრა, რომ დემოკრატია გულისხმობს დიალოგს, შეთანხმებას და არა ხელის გადაგრეხას.

"ამიტომ საქართველოს ისტორიას შეემატა ერთპარტიული კონსტიტუცია და ძალიან ცუდია, რომ საქართველოს ხელისუფლებამ ვერ ისწავლა მისი წინამორბედი ხელისუფლებისგან, რომელმაც ასევე ერთპარტიული კონსტიტუცია მიიღო, თუ როგორ დაამთავრა წინა ხელისუფლებამ, ეს კადრები მაინც, მე ვფიქრობ, ამ ხელისუფლებას აქვს",- აღნიშნა გიორგი აბაშიშვილმა.




sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13%
არ შეცვლილა 3%