„ლიბერალმა“, თიბისი ბანკის მხარდაჭერით, სპეციალური სარაგბო ჟურნალი „ჩვენი თამაში“ გამოსცა, რომლის პრეზენტაცია 15 ოქტომბერს, 15:00 საათზე, კაფეში „ჩარლი ლისი” გაიმართება. (ლისის ტბაზე)
„ჩვენი თამაში" „ლიბერალის" სპეციალური სარაგბო გამოცემაა, რომელიც ქართული რაგბის ისტორიის, საინტერესო ფაქტების, ადამიანების, მოვლენების და მოსაზრებების კრებულია.
გიო ახვლედიანი, დათო ტურაშვილი, გიორგი კეკელიძე, ჟურნალისტებთან და რაგბის გულშემატკივრებთან ერთად გამოცემის მკითხველს საინტერესო საავტორო სვეტებით, ინტერვიუებით, პროფაილებით, ანალიტიკური სტატიებით, თვალსაზრისებით ქართულ რაგბიზე მოუყვებიან.
პრეზენტაციაზე შეიკრიბებიან ქართველი მორაგბეები, რაგბის კავშირისა და პარტნიორი ორგანიზაციების წარმომადგენლები, გამოცემის და ზოგადად რაგბის გულშემატკივრები.
პრეზენტაციაზე გაიმართება სამოყვარული ფესტივალი თაჩ-რაგბიში, რომელშიც მონაწილეობა ნებისმიერ მსურველს შეუძლია.
პროექტის გამომცემელია „ლიბერალი” „თიბისი ბანკის” მხარდაჭერით