ჩეხეთის პარლამენტი პრეზიდენტს დაუპირისპირდა. ამის მიზეზი მილოშ ზემანის მიერ ევროსაბჭოს საპარლამენტო ასამბლეაზე გაკეთებული განცხადება გახდა. ჩეხეთის პრეზიდენტმა ღიად განაცხადა, რომ უკრაინისთვის ყირიმის დაბრუნების მცდელობა ევროპას ომამდე მიიყვანს და კიევს მოსკოვისგან კომპენსაციის მიღება ურჩია. ზემანი სკანდალური განცხადების გამო ჩეხეთის პრემიერმა გააკრიტიკა, დღეს კი პარლამენტის ზედა პალატამ სპეციალური მიმართვა გამოაქვეყნა, სადაც ნათქვამია, რომ საკანონმდებლო ორგანო პრეზიდენტის პოზიციას ემიჯნება. პარლამენტარებმა ზემანი უკრაინის წინააღმდეგ რუსული აგრესიის ლეგიტიმაციაში დაადანაშაულეს.
