პაკისტანის არმიამ ამერიკელების ოჯახი გაათავისუფლა, რომელმაც 5 წელი თალიბების ტყვეობაში გაატარა. ამის შესახებ ქვეყნის შეიარაღებული ძალების სამეთაურო შტაბი იტყობინება. სპეცოპერაცია ავღანეთის მოსაზღვრე რაიონში ჩატარდა. გათავისუფლებული ტყვეების ვინაობა ოფიციალურად ჯერ არ სახელდება, თუმცა ადგილობრივი მედია ვარაუდობს, საუბარი ჯოშუა ბოილსა და კეიტლან კოულმანზეა, რომლებიც თალიბებმა 2012 წელს 3 ბავშვთან ერთად დაატყვევეს.