კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენლის, ჯეიმს აპატურაის განცხადებით, საქართველოს თავდაცვის სამინისტროს მიერ განხორციელებული ფუნდამენტური რეფორმები ძალიან წარმატებულია.
მისივე თქმით, ნატო ძალისხმევას არ დაიშურებს ხელი შეუწყოს საქართველოს რეფორმების პროცესს, რომელსაც მხარს უჭერენ მოკავშირეებიც ორმხრივ ფორმატში.
„თავდაცვის სამინისტრომ, მინისტრის ხელმძღვანელობით, ფუნდამენტური რეფორმები განახორციელა. ეს რეფორმები ნამდვილად ძალიან წარმატებულია. ჩვენ ძალისხმევას არ დავიშურებთ, ხელი შევუწყოთ ამ პროცესს, რომელსაც მხარს უჭერენ მოკავშირეებიც ორმხრივ ფორმატში. ნატო-საქართველოს თანამშრომლობა სხვადასხვა მიმართულებას მოიცავს, როგორიცაა არსებითი პაკეტი, სწავლებები, მომავალი თანამშრომლობა შავი ზღვის ფორმატში. ბევრი მიმართულებით ვთანამშრომლობთ და ხშირად ვამბობ - ბევრი ნატო საქართველოში და ბევრი საქართველო ნატო-ში და ეს ნამდვილად ასეა. ველოდებით ნატო-ს მინისტერიალებს, მომავალ წელს კი ნატო-ს სამიტს. ეს ყველაფერი ხელს შეგვიწყობს, წინ წავიწიოთ საქართველოს ნატო-ში ინტეგრაციის გზაზე“, -განაცხადა აპატურაიმ.