თარიღი    დრო

კანონით არ გვაქვს უფლება კონფიდენციალური ინფორმაცია გავთქვათ - პაატა მეხრიშვილი

საქართველო, თბილისი - 14:27 10.12.2017 336

ადვოკატთა ასოციაციის თავმჯდომარესთან დღეს გამართულ შეხვედრაზე ე.წ ციანიდის საქმის ადვოკატებმა განაცხადეს, რომ მათი დაკითხვა მაგისტრი მოსამართლის წინაშე არაკანონიერი იქნება.

როგორც ერთ-ერთმა ადვოკატმა პაატა მეხრიშვილმა შეხვედრის დროს განმარტა, მათ იცავთ საპროცესო კანონმდებლობა და  ადვოკატთა პროფესიული ეთიკის კოდექსი ავალდებულებთ, რომ კონფიდენციალური ინფორმაცია არ გათქვან.

„პროკურატურამ, შესაძლებელია, მიმართოს სასამართლოს  და მოითხოვოს მაგისტრი მოსამართლის წინაშე ჩვენი დაკითხვა, რაც აბსოლუტურად უკანონო იქნება.

ჩვენ გვიცავს საპროცესო კანონმდებლობა და  ადვოკატთა პროფესიული ეთიკის კოდექსი გვავალდებულებს, რომ კონფიდენციალური ინფორმაცია არ გავთქვათ.

ძალიან დიდი იმედი მაქვს, რომ ქართული მართლმსაჯულება და ქართული სასამართლო სწორ, ობიექტურ და რაც ყველაზე მთავარია, კანონიერ გადაწყვეტილებას მიიღებს და არ დაუშვებს სასამართლოში ჩვენს დაბარებას და მოწმის სახით დაკითხვას.

თუ ჩვენ სასამართლომ მიგვიწვია, გამოდის , რომ ვალდებულები ვხდებით, მივცეთ ჩვენება, ვიმეორებ, ჩვენ კანონით არ გვაქვს უფლება კონფიდენციალური ინფორმაცია გავთქვათ. დიდი იმედი მაქვს სასამართლოსი, რომ არ მიიღებს უკანონო გადაწყვეტილებას და არ მოახდენს ჩვენი კანონიერი ინტერესების და უფლებების უხეშ  ხელყოფას“, - განაცხადა პაატა მეხრიშვილმა.




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84%
შემცირდა 13.1%
არ შეცვლილა 3%