"განცხადება გაკეთდა, რომ მაგისტრი მოსამართლის ძალით ჩვენების მიცემა განხორციელდებოდა, ძალით რას ნიშნავს? მოსამართლემ ძალით როგორ უნდა მათქმევინოს რამე"? - ამის შესახებ ე.წ ციანიდის საქმის ადვოკატმა მიხეილ რამიშვილმა ადვოკატთა ასოციაციაში გამართული შეხვედრის დასრულების შემდეგ განაცხადა.
როგორც უფლებადამცველი აღნიშნავს, ადვოკატს კანონი პირდაპირ ავალდებულებს, კონფიდენციალურობა დაიცვას.
"როცა პროკურატურას განვუცხადეთ, რომ ჩვენი მხრიდან ჩვენებები არ იქნება, ისინი მაგისტრი მოსამართლის ჩართულობას ითხოვენ. განცხადებაც კი გაკეთდა, რომ მაგისტრი მოსამართლის ძალით ჩვენების მიცემა განხორციელდებოდა. ძალით რას ნიშნავს? მოსამართლემ ძალით როგორ უნდა მათქმევინოს რამე?
ჩვენ კანონი პირდაპირ გვავალდებულებს, კონფიდენციალურობა დავიცვათ.
ყველაფერს ვუშვებ და არ არის გამორიცხული, ეს საქმე ჩვენ წინააღმდეგ შემოაბრუნონ.
ხაზი მინდა გავუსვა ერთ ფაქტს, ჩემდა გასაკვირად, ირაკლი მამალაძემ არაერთხელ, წინასწარ, გააჟღერა თუ რა მოქმედებები მიმდინარეობდა პროკურატურაში, რა საქმეზე რა გამოძიება მიმდინარეობდა.
უკეთესი იქნება ირაკლი მამალაძეც დაკითხონ, იქნებ ირაკლის ჩაუვარდა ეს ყვეალფერი ხელში", - განაცხადა მიხეილ რამიშვილმა.
