საქართველოს სამოქალაქო ავიაციის სააგენტოს საჰაერო ხომალდების ვარგისობისა და რეგისტრაციის დეპარტამენტის მთავარი სპეციალისტი / უცხო ქვეყნის საჰაერო ხომალდების უსაფრთხოების განსაზღვრის პროგრამის (SAFA) ინსპექტორი როსტომ მასურაშვილი 2 წლის განმავლობაში ევროპის საავიაციო უსაფრთხოების სააგენტოში (EASA) იმუშავებს. სააგენტოს სპეციალისტი უკვე გავიდა ახალ სამსახურში (EASA-ს სათავო ოფისი, კიოლნი, გერმანია).
ინფორმაციას ამის შესახებ სამოქალაქო ავიაციის სააგენტო ავრცელებს.
ევროპის სააავიაციო უსაფრთხოების სააგენტოში როსტომ მასურაშვილი არაევროკავშირის წევრი ქვეყნების ავიაკომპანიების ავტორიზაციის კუთხით არის დასაქმებული (Third Country Operators (TCO) Officer).