თარიღი    დრო

EBRD-ის სათაო ოფისში საქართველოს სომელიეთა ასოციაციის მიერ გადაღებული ფილმის “ღვინის ნულოვანი მერიდიანის” პრემიერა გაიმართა

საქართველო, თბილისი - 16:19 10.06.2017 255

5 ოქტომბერს, ლონდონში, ევროპის რეკონსტრუქციისა და განვითარების ბანკის (EBRD) სათაო ოფისში გაიმართა საქართველოს სომელიეთა ასოციაციის მიერ გადაღებული ფილმის “ღვინის ნულოვანი მერიდიანი”-ს საერთაშორისო პრემიერა. პრემიერის ორგანიზატორი გახლდათ საქართველოს საელჩო დიდი ბრიტანეთის სამეფოში და პირადად საგანგებო და სრულუფლებიანი ელჩი, ქალბატონი თამარ ბერუჩაშვილი. 

ღონისძიებას ესწრებოდნენ მთავრობის, ბიზნესწრეების, დიპლომატიური კორპუსის წარმომადგენლები, ღვინის კრიტიკოსები და ჟურნალისტები, მათ შორის ცნობილი ბრიტანელი ღვინის კრიტიკოსი და მწერალი, ჟურნალ „დეკანტერი“-ს კონსულტანტ-რედაქტორი - სტივენ სპურიე, რომელიც ამ დღეს   იუბილარი გახლდათ.

ფილმის ჩვენების შემდეგ გაიმართა ქართული ღვინის დაგემოვნება და საქართველოს სომელიეთა ასოციაციის პრეზიდენტის, შალვა ხეცურიანის მასტერ-კლასი ქართულ ღვინოზე.

 

ფილმი “ღვინის ნულოვანი მერიდიანი” გადაიღო საქართველოს სომელიეთა ასოციაციამ, საქართველოს სოფლის მეურნეობის სამინისტროს ღვინის ეროვნული სააგენტოსა და „მარანი ხეცურიანი“ - ს ფინანსური მხარდაჭერით.

ფილმის რეჟისორია ქალბატონი ნანა ჯორჯაძე, კონცეფციის ავტორი და პროდიუსერია შალვა ხეცურიანი, სცენარის ავტორი - თამარ ბართაია, ოპერატორი - მიხეილ კვირიკაძე.

ფილმმა უკვე მოიპოვა რამდენიმე საერთაშორისო ფესტივალის არაერთი მაღალი ჯილდო.

 




dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 82.9%
შემცირდა 14%
არ შეცვლილა 3.1%