2018 წლისათვის  ინფლაციის მიზნობრივი მაჩვენებელი  3%-ის დონეზე იქნება. დოკუმენტში „ქვეყნის ძირითადი მონაცემები და მიმართულებები 2018-2021 წლებისათვის“ აღნიშნულია, რომ 2017 წლისათვის ინფლაციის მიზნობრივი მაჩვენებელი 4 პროცენტს, ხოლო 2018 წლისათვის - 3 პროცენტს შეადგენს. 

მიმდინარე ეტაპზე, ერთჯერადი ფაქტორების (სამომხმარებლო საქონელზე აქციზის ზრდა) ზეგავლენით ინფლაცია მიზნობრივ მაჩვენებელზე მაღლა ნარჩუნდება. ინფლაციის მაჩვენებლის ზრდა შესაბამისობაშია არსებულ პროგნოზთან, რომლის მიხედვითაც ინფლაციის ზრდა დროებითია, წლის მეორე ნახევარში შემცირების ტენდენცია ექნება და 2018 წელს მიზნობრივ მაჩვენებელს დაუახლოვდება.

2018-2021 ინფლაციის პროგნოზირებული მაჩვენებელი 3.0 პროცენტის დონეზე იქნება.

შეგახსენებთ, რომ საქართველოს ეროვნული ბანკი ახორციელებს ინფლაციის თარგეთირების პოლიტიკას, რაც ითვალისწინებს ეკონომიკის განვითარებისათვის არსებული დონისათვის ოპტიმალური ინფლაციის განსაზღვრას და მის მიღწევას.