უკრაინაში იტალიური „ლოუკოსტერი“ Ernest Airlines-ი შედის იტალიური დაბალბიუჯეტიანი ავიაკომპანია Ernest Airlines-ი უკრაინის ბაზარზე შედის. ავიაკომპანია უკრაინის მიმართულებით პირველ რეისს 20 ოქტომბერს შეასრულებს, სადაც ლვოვში მილანის ბერგამოს აეროპორტიდან იფრენს.
ავიაკომპანია კვირაში ორ რეისს, ყოველ პარასკევსა და კვირას Airbus A320-ით განახორციელებს. სამომავლოდ ავიაკომპანია ლვოვში ნეაპოლიდან და ვენეციიდანაც შეასრულებს ფრენებს. აღნიშნული მიმართულებებით ფრენების დაწყება 8 დეკემბრიდანაა ჩანიშნული. ხოლო 9 დეკემბრიდან Ernest Airlines-ი მილანის ბერგამოს აეროპორტიდან რეისებს კიევის „ჟულიანის“ სახელობის აეროპორტის მიმართულებითაც შეასრულებს. თავდაპირველად რეისები კვირაში 2-ჯერ, ხოლო შემდგომ კვირაში 3-ჯერ განხორციელდება.