„ლიტველებმა საქართველოს არა „გრუზია“, არამედ „საქართველო“ უნდა უწოდონ“, - ამის შესახებ ლიტვის სეიმის სპიკერმა ვიქტორას პრანცკეტისმა განაცხადა.
სეიმის სპიკერი 2018 წელს საქართველოსა და ქართველი ხალხისთვის საჩუქრის გაკეთების ინიციატივით გამოდის, რაც "გრუზიას" "საქართველოთი" ჩანაცვლებას გულისხმობს.
„ქართველებს არ უყვართ სიტყვა „გრუზია“, მათ „საქართველო“ უფრო მოსწონთ“, - აცხადებს პრანცკეტისი.
მისივე განცხადებით, ამის შესახებ მას თბილისში რიგითმა მოქალაქეებმა და საქართველოს პრეზიდენტმა გიორგი მარგველაშვილმა, ხოლო ვილნიუსში - ლიტვაში საქართველოს ელჩმა ხათუნა სალუქვაძემ უთხრა.
პრანცკეტისის იდეას მხარი უკვე სეიმის რამდენიმე დეპუტატმაც დაუჭირა.