ერაყის ქურთისტანში დამოუკიდებლობის რეფერენდუმი იმართება. საარჩევნო უბნები ავტონომიის მთელ ტერიტორიაზე ადგილობრივი დროით 18 საათზე უნდა დახურულიყო, თუმცა ერთი საათით გაგრძელდა. პლებისციტზე ელექტორატის უპრეცედენტო აქტივობა დაფიქსირდა. საარჩევნო ყუთებთან ამომრჩეველთა 80 პროცენტზე მეტი მივიდა. რეფერენდუმს არალეგიტიმურად აცხადებს ერაყის ხელისუფლება, თურქეთი კი ქურთებს ეკონომიკური სანქციებით ემუქრება.