გერმანიის ქრისტიან-სოციალისტური კავშირი მმართველ კოალიციაში დარჩება. ამის შესახებ პარტიის ლიდერმა და ბავარიის პრემიერ-მინისტრმა ჰორსტ ზეეჰოფერმა განაცხადა.
„ჩვენ ქრისტიან-დემოკრატებთან თანამშრომლობას განვაგრძობთ და კოალიციიდან გასვლა დღის წესრიგში არ დგას,“-აღნიშნა ზეეჰოფერმა.
ბუნდესტაგის არჩევნებში ქრისტიან-სოციალისტებისა და ქრისტიან-დემოკრატების ალიანსმა ხმათა 33 პროცენტი მიიღო. მეორე ადგილზე ხმათა 20,5 პროცენტით სოციალ-დემოკრატეები არიან, ულტრამემარჯვენე პარტია „ალტერნატივა გერმანიისთვის“ კი 12,6 პროცენტით მესამე პოზიციაზეა.