პრეზიდენტი პარლამენტის თავმჯდომარის მოთხოვნას, საკონსტიტუციო ცვლილებების მესამე მოსმენით განხილვისთვის რიგგარეშე სხდომის დანიშვნას, ხელს არ აწერს.
"კონსტიტუციის პროექტს აქვს არაერთი ხარვეზი. ის არ არის თანხმობის დოკუმენტი. ნაჩქარევად შემუშავდა. არ არის გათვალისწინებული ვენეციიის კომისიის რეკომენდაციები. ვიღებთ ერთპარტიულ დოკუმენტს. ვერ უზრუნველყოფს ხელისუფლების შტოთა შორის ელემენტარულ ბალანსსაც კი. ქმნის ერთპარტიული მმართველობის საფრთხეს. პრეზიდენტი რიგგარეშე სხდომას არ ნიშნავს. ეს არის პოლიტიკური აქტი, რადგან კონსტიტუციის თანახმად, უმრავლესობას შეუძლია, შეიკრიბოს 48 საათის შემდეგ", - განმარტა პრეზიდენტის საპარლამენტო მდივანმა, ანა დოლიძემ.
პრეზიდენტის უარის შემდეგ, საპარლამენტო უმრავლესობას რიგგარეშე სხდომის გამართვის საშუალება აქვს 48 საათის გასვლის შემდეგ. ანა დოლიძის განმარტებით, პარლამენტის თავმჯდომარის თხოვნა, რიგგარეშე სხდომის დანიშვნასთან დაკავშირებით, პრეზიდენტის ადმინისტრაციის კანცელარიაში ოფიციალურად გატარდა დღეს, შესაბამისად, კონსტიტუციის მიხედვით, პრეზიდენტის უარის შემდეგ, უმრავლესობას რიგგარეშე სხდომის გამართვის საშუალება აქვს 48 საათის გასვლის შემდეგ.