"ოპოზიციის განცხადებები, თითქოს კომპრომისზე არ მივდიოდეთ, უპასუხისმგებლოა", - ამის შესახებ საპარლამენტო ფრაქცია "ქართული ოცნების" თავმჯდომარემ მამუკა მდინარაძემ განაცხადა.
როგორც მდინარაძემ ჟურნალისტებს განუცხადა, კონსტიტუციური პროექტიდან ე.წ. ბონუსის მესამე მოსმენის რეჟიმში ამოღების თაობაზე მმართველ გუნდში დღეს იმსჯელებენ.
მისივე თქმით, იურიდიული თვალსაზრისით, შეიძლება, ამ საკითხზე მსჯელობა და კამათიც იყოს.
"თუ შესაძლებელი იქნება, გადაწყვეტილებას მივიღებთ, თუ არადა, ვთქვით, რომ ამ გადაწყვეტილებას შემდეგი ინიცირების პირობებში მივიღებთ. კომპრომისი მიღებული იყო იმიტომ, რომ ეს ხელს კონსტიტუციის გაჯანსაღებას შეუწყობს, რაც ნამდვილად კომპრომისული ნაბიჯია. ამასთან მიმართებაში ოპოზიციის განცხადებები უპასუხისმგებლოა, თითქოს კომპრომისზე არ მივდიოდით", - განაცხადა მდინარაძემ.
ცნობისთვის, აღნიშნულის შესახებ მზადყოფნა პარლამენტის თავმჯდომარემ, ირაკლი კობახიძემ უკვე გამოთქვა.
საკონსტიტუციო ცვლილებებზე მესამე მოსმენით პარლამენტში ამ წუთებში მსჯელობენ.