უკრაინის ინფრასტრუქტურის მინისტრმა ვლადიმირ ომელიანმა სასამართლოში ავიაკომპანია FlyUa-ს წინააღმდეგ სარჩელი შეიტანა. აღნიშნულის შესახებ განცხადება მინისტრმა საგანგებო ბრიფინგზე გააჟღერა.
„სარჩელი მოვამზადე, რათა სასამართლოს გზით დავიცვა ჩემი პატივი და ღირსება. სარჩელი სასამართლოში უკვე შეტანილია და ვიმედოვნებ, რომ მას მალე განიხილავენ. მივიჩნევ, რომ ის მანიკულაციები რასაც FlyUa მიმართავს არ არის წესიერი და მას ჯანსაღ კონკურენციასთან კავშირი არ აქვს“, აცხადებს ომელიანი.
შეგახსენებთ, რომ 2017 წლის 26 ივლისს უკრაინის ინფრასტრუქტურის მინისტრმა განაცხადა, რომ ავიაკომპანია FlyUa-მ სასამართლოში სამი სარჩელი შეიტანა. ერთ-ერთი ითვალისწინებს, რომ Ryanair-სა და ლვოვის აეროპორტს შორის გაფორმებული მემორანდუმი ბათილად უნდა იყოს ცნობილი.
FlyUa ითხოვს ასევე, რომ 15 მარტს სამინისტროსა და ლოუკოსტერს შორის გაფორმებული მემორანდუმის არასრულყოფილად აღიარონ. ავიაკომპანიის მოთხოვნას წარმოადგენს ასევე ხელშეკრულების ასლის გამოთხოვა და მიყენებული ზარალის, 20,05 მლნ გრივნას ანაზღაურება.
ამის შემდეგ FlyUa-მ Ryanair-ის ლობირებაში ომელიანი ღიად დაადანაშაულა და განაცხადა, რომ ინფრასტრუქტურის მინისტრის მხრიდან კანონის დარღვევას აქვს ადგილი, როდესაც მან კომერციულ ავიაკომპანიასთან მემორანდუმს ხელი მოაწერა.