ქობულეთში ძლიერი წვიმის და მოვარდნილი ღვარცოფის გამო მოსახლეობის ევაკუაცია გახდა საჭირო.
”წვიმის შედეგად, ქობულეთში რამდენიმე ადგილას მიწის ჩამოშლა, მეწყერი დაფიქსირდა. მაშველებმა დამეწყრილი ტერიტორიის მიმდებარე სახლებიდან 2 ოჯახის ევაკუირება უკვე განახორციელეს და გადაიყვანეს უსაფრთხო ადგილზე. ყველა მშვიდობით და ჯანმრთელადაა. ასევე, მოვარდნილ ღვარცოფში ჩარჩა მსუბუქი ავტომობილი ოჯახის 4 წევრით, მათ შორის 2 მცირეწლოვანით. ყველა მათგანი შსს-ს მაშველების მიერ იქნა გამოყვანილი. არც დაშავებული და არც მსხვერპლი არ არის”, - აცხადებენ საგანგებო სიტუაციების მართვის სააგენტოში.