მმართველ პარტიას, მის წარმომადგენლებს ან ტექსტის წაკითხვის და აღქმის პრობლემა აქვთ ან უტიფრობის სენი შეეყარათ , - ამის შესახებ "ლეიბორისტული პარტიის“ თბილისის მერობის კანდიდატმა გიორგი გუგავამ განაცხადა, რომელიც მმართველი გუნდის წევრების კომენტარებს გამოეხმაურება, რომლებმაც აღნიშნეს, რომ ვენეციის კომისიამ საკონსტიტუციო ცვლილებები მოიწონა.
გუგავას განცხადებით, "ქართული ოცნების" წევრებს უტიფრობის სენი აქვთ შეყრილი, როდესაც ცდილობენ, წარმოაჩინონ პოლიტიკური პარტიების, არასამთავრობო ორგანიზაციების, მთლიანად საზოგადოების და რაც მთავარია, საერთაშორისო საზოგადოების ნეგატიური დამოკიდებულება საკონსტიტუციო გადატრიალების მიმართ წარმოაჩინონ დადებითად.
„მმართველ პარტიას, მის წარმომადგენლებს ან ტექსტის წაკითხვის და აღქმის პრობლემა აქვთ ან უტიფრობის სენი შეეყარათ. ვფიქრობ, უტიფრობის სენი აქვთ შეყრილი, როდესაც ცდილობენ, წარმოაჩინონ პოლიტიკური პარტიების, არასამთავრობო ორგანიზაციების, მთლიანად საზოგადოების და რაც მთავარია, საერთაშორისო საზოგადოების ნეგატიური დამოკიდებულება საკონსტიტუციო გადატრიალების მიმართ წარმოაჩინონ დადებითად", - განაცხადა გიორგი გუგავამ.
ცნობისთვის, ირაკლი კობახიძემ ბრიფინგზე აღნიშნა, რომ საკანონმდებლო ორგანომ კონსტიტუციურ პროექტთან მიმართებაში ვენეციის კომისიის მხრიდან წინასწარი დასკვნა მიიღო.