თბილისში, პეკინის ქუჩაზე, „ბას ლაინებზე“ ავტომობილების გაჩერებისთვის მოქალაქეები დაჯარიმდებიან, - ამის შესახებ თბილისის მერმა დავით ნარმანიამ განაცხადა.
დედაქალაქის მერის განცხადებით, იმ შემთხვევაში თუ მოქალაქეები საავტობუსო გზაზე მანქანებით გადაადგილდებიან, მათზე ადმინისტრაციულ სამართალდარღვევათა კოდექსი გავრცელდება.
„მოვუწოდებთ ჩვენს მოქალაქეებს შეზღუდვებს და სპეციალურად მოწყობილ ტერიტორიებს ნუ გამოიყენებენ მანქანების გასაჩერებლად, სხვა შემთხვევაში მათზე გავრცელდება ადმინისტრაციული სამართალდარღვევათა კოდექსით გათვალისწინებული პასუხისმგებლობის ზომა, რომელიც დაჯარიმებას ითვალისწინებს და ამ ყველაფერს უზრუნველყოფს საპატრულო პოლიცია",- განაცხადა დავით ნარმანიამ.