უკრაინის რკინიგზამ მიხეილ სააკაშვილის გამო გაჩერებული მატარებლის 207 მგზავრს ბილეთების ღირებულება აუნაზღაურა.
დაბრუნებული ბილეთების საფასურმა 60600 გრივნა შეადგინა.
როგორც რკინიგზაში აცხადებენ, მატარებელი მათი მიზეზით არ გაჩერებულა.
შეგახსენებთ, რომ 10 სექტემბერს, მატარებელი პოლონეთის ქალაქ პერემიშლიდან კიევში ასრულებდა რეისს. ის უკრაინის საზღვარზე სამი საათითა და 45 წუთით გააჩერეს იმის გამო, რომ ერთ-ერთ ვაგონში საქართველოს ყოფილი პრეზიდენტი მიხეილ სააკაშვილი იმყოფებოდა.