"სასამართლომ კონსტიტუციით დაცული სიტყვისა და გამოხატვის თავისუფლების პრინციპი დაარღვია", - ამის შესახებ "ევროპული საქართველოს" წევრმა ზურაბ ჭიაბერაშვილმა საქალაქო სასამართლოს მიერ, ფადი ასლის საქმეზე მიღებული გადაწყვეტილების კომენტირებისას განაცხადა.
მისივე თქმით, სასამართლო კლანური პრინციპით მოქმედებს.
"გუშინდელი გადაწყვეტილებით, მათ მხარი აუბეს მოსამართლე კაკაბაძეს, ადამიანს, რომელმაც თავის დროზე უკანონო გადაწყვეტილებები მიიღო," - განაცხადა ზურაბ ჭიაბერაშვილმა.
ცნობისთვის, მოსამართლე ვლადიმერ კაკაბაძემ საერთაშორისო სავაჭრო პალატის ხელმძღვანელს ღირსებისა და პატივის შელახვისთვის უჩივლა, საქალაქო სასამართლომ კი სარჩელი, ნაწილობრივ, დააკმაყოფილა და ფადი ასლის მოსამართლესთან დაკავშირებით გაკეთებული საჯარო განცხადებების უარყოფა და მორალური ზიანის ანაზღაურება 3 000 ლარის ოდენობით დაევალა.