დამანგრეველი მიწისძვრის შემდეგ მექსიკაში განმეორებითი ბიძგები, ე.წ. აფტერშოკები 36-ჯერ დაფიქსირდა, რამაც ადგილობრივი მოსახლეობა პანიკაში ჩააგდო. სტიქიური უბედურების ზონაში ათასობით ადამიანმა ღამე ღია ცის ქვეშ გაათენა. 7,1 მაგვიტუდის მიწისძვრა პუებლა-დე-სარაგოსას რაიონში 19 სექტემბერს მოხდა. სტიქიამ, ბოლო მონაცემებით, 230-მდე ადამიანი იმსხვერპლა. სამაშველო სამუშაოები ამ დრომდე არ შეწყვეტილა. პრეზიდენტ ნიეტოს განკარგულებით, ქვეყანაში 3-დღიანი გლოვა გამოცხადდა.
