ტკბილი უალკოჰოლო სასმელი „ ჯონ ლემონი“ აღარ გაიყიდება. ამის მიზეზი ლეგენდარული მომღერლის, ჯონ ლენონის მეუღლის სარჩელი გახდა. იოკო ონომ პოლონეთში წარმოებული პოპულარული ლიმონათის კომპანიას უჩივლა და განაცხადა, რომ კომპანიამ საავტორო უფლებები დაარღვია. ლენონის მეუღლის ადვოკატებმა კომპენსაციის სახით ყოველი გაყიდული ბოთლიდან 500 ევრო მოითხოვეს. იოკო ონოს მტკიცებით, პოლონეთში წარმოებული სასმელის სახელწოდება ჯონ ლენონთან ასოცირდება, რაც მის გაყიდვებს აორმაგებს.